realone.ch Das Portal für junge Christen

Us Gottes Sicht uf d Ärde luege

Hoi ihr Liebe!

Ich han da öpis gfunde und dänkt, dass das ganz guet is Läbe vo öich allne inepasst.

So oft händ mir z Gfühl, dass mir öpis falsch machend oder d Mensche um uns ume nur Fähler mached oder gar Gott öpis falsch macht, will mir eifach dr Überblick nid händ. Es isch schwär für uns Gottes Gedanke und Plän zfolge, will mir nid gsend, was dr Sinn und Zwäck drbi isch und will mir ds Ändresultat leider meistens nid kenned. Bsunders schwär isch es, wenn mir z Gfühl händ ungerächt behandlet zwärde, vernachlässigt oder überforderet zwärde. Oder wenn mir sogar richtig liided. Drbi isch ds Einzig was würkli zellt das was Gott dänkt, seit, tuet und plant! Är gset unsri Läbe us dr andere Perspektive, im Zämmehang vom ganze Gscheh uf dere Wält, mit Blick id Vergangeheit und Zuekunft. Är gset, was unsri schwere Ziite ide Härze vo andere Mensche uslösend. Und är weiss, dass die Ziit uf dere Ärde verglichswiis kurz isch, gmässe an dr Ewigkeit, wo mir mit ihm dörfed erläbe. Au wenn uns unsers Ärdeläbe ame ganz schön langwirig kann vorko.

„Als du ein Kind warst, hast du dich vielleicht manchmal auf einen kleinen Hocker gesetzt und deiner Mutter beim Sticken zugesehen. Von deinem Blickwinkel aus erschien dir die Arbeit ein Wirrwarr aus Stichen, Knoten und losen Fäden. Doch dann drehte deine Mutter ihre Stickerei auf die richtige Seite und du konntest das Muster sehen und bewundern.
Ihr müsst aufhören, die Dinge von der falschen Seite zu betrachten. …
Hebt euer Herz zum Himmel empor und seht von diesem Blickwinkel auf die Ereignisse hinunter. Ihr werdet das vorübergehende Leiden des Lebens als eine Sammlung von Perlen und Juwelen sehen, mit denen wir in der Ewigkeit geschmückt werden.

Richard Wurmbrand sass 14 Jahre in Rumänien im Gefängnis“

Zitat aus Jesus Freaks von dc Talk und The Voice of the Martyrs

Es isch mir es mega Aligge, dass mir in allem wo mir dänked, sägend, tüend und planed immer Gott vertrauet! Ich weiss, es isch mega schwär ame, aber es lohnt sich. Es lohnt sich eso mega fest Gott au grad denn zvertraue, wenns so richtig schwer wird. Gott belohnt wo mir tröi sind! Und sini Wäg sind letständlich immer die Beste! Alles was uns widerfahrt isch zerst "am Thron Gottes verbi", är entscheidet, dass mir stark gnueg sind zum Sache zträge und dra zwachse. Ir Wält gits dä Spruch "Was dich nicht umbringt, macht dich stärker." und eigentlich gilt dä au für Gott, nur hän mir mit ihm in jedem Fall gwunne. Schweri Ziite sind Useforderige an uns, und es sind mega Chance zum im Glaube zwachse und Gott besser kennezlerne. Ich möcht euch bitte, dass ihr immer probiered öiri Härze uf Gott uszrichte und mir sinere Sicht vo de Gschehnis durchs Läbe zlaufe.

"Gott selbst ist für uns, wer will sich dann noch gegen uns stellen? ...
Kann uns noch irgendetwas von Christus und seiner Liebe trennen? Etwa Leiden, Angst und Verfolgung, Hunger oder Kälte, Gefahren für Leib uns Leben oder gar die Hinrichtung? ...
Aber mitten in all dem triumphieren wir als Sieger mit Hilfe dessen, der uns so sehr geliebt hat."

Zitat aus der Bibel, Römer 8,31+35+37 - geschrieben von Paulus, der frühere Christenverfolger Saulus, der wegen seinem Glauben viele Male gefangen genommen und gequält worden ist und schliesslich 65 n. Chr. in Rom hingerichtet wurde.

Gott isch für uns - das isch ds Einzige was würklich zellt! Bhaltet das in öirem Härze, fest verschlosse und lönd öich die Gwüssheit nie niemols wägnä!

Verfasser: Melinda Glier
Kategorie: Gedanken
Datum: 15. 06. 10, 12:26

Kommentare zum Praiseblog